వేధింపులు భరించలేక ప్రధానోపాద్యాయుడిపై చెప్పులతో ఉపాధ్యాయిని దాడి

నల్గొండ: నల్గొండ జిల్లాలోని మేకల మాదారం ప్రాథమిక పాఠశాలలో ఓ విద్యావాలంటరీ టీచర్ ప్రియాంక ప్రధానోపాద్యాయుడు తనను వేధిస్తున్నారని చెప్పులతో కొట్టిన సంఘటన చోటు చేసుకుంది. ఇద్దరి ఒకరిపై ఒకరు మీడియా ముందే తీవ్ర ఘర్షణకు దిగారు. గ్రామంలో తన గురించి ప్రధానోపాధ్యాయుడు తప్పుడు ప్రచారం చేస్తున్నారని ప్రియాంక ఆరోపిస్తుంది. ప్రియాంకను సెక్సువల్ గా కూడా ప్రిన్సిపల్ వేధించినట్లు సమాచారం.

కాగా పాఠశాలకు ఎక్కువమార్లు విద్యావాలంటరీ టీచర్ ప్రియాంక డుమ్మా కొట్టడం వల్ల ప్రిన్సిపల్ ఆమెను మందలించారని ఆ గొడవ పద్దగా అయిందని తెలుస్తుంది. అయితే ప్రధానోపాధ్యాయుడి మీద ఇంత వరకు ఎలాంటి ఆరోపణలు కూడా లేవని తెలుస్తోంది. ప్రియాంకే తనపై తప్పుడు ప్రచారం చేస్తుందని, ఆమెను తాను ఎప్పుడూ వేధించలేదని ఆయన చెబుతున్నారు.