నేపాల్ లో కూలిన విమానం: 22 మంది ప్రయాణికుల మృతి

ఖాట్మండు: తూర్పు నేపాల్ పర్వత ప్రాంతంలో విమానం కూలిన ఘటనలో అందులోని ప్రయాణికులు, విమాన సిబ్బంది మొత్తం మరణించారు. ప్రమాదంలో మొత్తం 22 మంది మరణించినట్లు పోలీసులు గురువారం చెప్పారు. సహాయక బృందాలు ప్రమాద స్థలికి చేరుకున్నాయి. ఇప్పటి వరకు 20 మృతదేహాలను వెలికి తీసినట్లు, మరో రెండు మృతదేహాల కోసం గాలిస్తున్నట్లు పోలీసు అధికార ప్రతినిధి బిగ్యాన్ రాజ్ శర్మ చెప్పారు.

బుధవారం నాడు అదృశ్యమైన విమానం పర్వత ప్రాంతాల్లో అదే రోజు కూలిపోయింది. విమానం తునాతునకలైనట్లు, దట్టమైన అటవీ ప్రాంతంలో 200 మీటర్ల శకలాలు పడిపోయినట్లు తెలిపారు. ప్రయాణికుల్లో ఒక అమెరికన్ ఉన్నట్లు తారా ఎయిర్ ఎయిర్ లైన్ తెలిపింది. అయితే అమెరికా దౌత్య కార్యాలయం వెంటనే ధ్రువీకరించలేదని తెలిపింది.