యూపిఏ ప్రభుత్వానికి డోకా లేదు, మద్దతు కొనసాగిస్తాం: కనిమొళి

చెన్నై: 2జి స్పెక్ట్రమ్ అవినీతి కుంభకోణం నుండి ద్రవిడ మున్నెట్ర కజగం(డిఎంకె) పార్టీ క్లీన్ చిట్ తీసుకొని బయట పడుతుందని పార్లమెంటుసభ్యురాలు, తమిళనాడు ముఖ్యమంత్రి కరుణానిధి కూతురు కనిమొళి గురువారం స్పష్టం చేశారు. రాజాగానీ, నేనుగానీ, డిఎంకెగానీ ఎలాంటి కుంభకోణానికి పాల్పడలేదని చెప్పారు. ఆరోపణల నేపథ్యంలో చట్టం తన పని తాను చేసుకు పోతుందన్నారు. ఈ కుంభకోణంలో విచారణకు సిద్ధమని చెప్పారు.

2జి స్పెక్ట్రమ్ కుంభకోణం ఆరోపణల కారణంగా యూపిఏ ప్రభుత్వానికి ఎలాంటి ఢోకా లేదన్నారు. ప్రభుత్వ కొనసాగుతుందని చెప్పారు. డిఎంకె ప్రభుత్వం యూపిఏకు మద్దతు ఉపసంహరిస్తుందని వస్తున్న వార్తల్లో నిజం లేదన్నారు. కేంద్రంలో ప్రభుత్వం కొనసాగడానికి డిఎంకె మద్దతు ఉంటుందన్నారు.