స్వాతి వీక్లీ వివాదంలో జోక్యం వద్దు: పోలీసులకు హైకోర్టు ఆదేశాలు

హైదరాబాద్: స్వాతి వారపత్రిక యాజమాన్యం విషయంలో కుటుంబ సభ్యుల మధ్య నెలకొన్న వివాదంలో జోక్యం చేసుకోవద్దని పోలీసులను హైకోర్టు ఆదేశించింది. తనను ఇంట్లోనుంచి గెంటివేశారంటూ 'స్వాతి' ఎడిటర్ వేమూరి బలరాం పిటిషన్‌ను విచారించిన హైకోర్టు న్యాయమూర్తి జస్టిస్ ఆర్.సుభాష్‌రెడ్డి ఈ మేరకు మధ్యంతర ఆదేశాలు జారీచేశారు.

ప్రతివాదులైన విజయవాడ సీపీ, సూర్యారావుపేట ఇన్‌స్పెక్టర్, బలరాం భార్య అమ్మాజీ, కుమార్తె మణిచందన, అల్లుడు అనిల్ కుమార్, బావమరిది టీవీ సుబ్బారావు, భార్య సమీప బంధువు పి. చలపతిరావులకు నోటీసులు జారీ చేస్తూ, తదుపరి విచారణను వాయిదా వేశారు.