ఏ ముఖ్యమంత్రి వచ్చినా కెవిపి పాత్ర మారదు: జెసి దివాకర్ రెడ్డి

హైదరాబాద్: భారీ సభల ఏర్పాటుతో తెలంగాణ రాష్ట్రం రాదని అనంతపురం జిల్లా శాసనసభ్యుడు, కాంగ్రెసు సీనియర్ నాయకుడు జెసి దివాకర్ రెడ్డి గురువారం వ్యాఖ్యానించారు. తెలంగాణ రాష్ట్రం రాదని తాను అన్న వ్యాఖ్యలు కేవలం వ్యక్తిగత అభిప్రాయమేనని ఆయన చెప్పారు. తెలంగాణ రాష్ట్రం ఇవ్వడాన్ని తాను సమర్థించనప్పటికీ కేంద్రం నిర్ణయానికి కట్టుబడి ఉంటానని ఆయన అన్నారు.

తాను రాయల తెలంగాణను ఒప్పుకుంటానని చెప్పారు. మొదట సమైక్యవాదిని అని అది సాధ్యం కాని పరిస్థితుల్లో రాయల తెలంగాణను సమర్థిస్తానన్నారు. రాష్ట్రంలో ఏ ముఖ్యమంత్రి వచ్చిన కెవిపి పాత్ర మారదన్నారు. రాష్ట్ర ప్రభుత్వంలో ఆయన పాత్ర కీలకంగా ఉంటుందని చెప్పారు.