ఉప ఎన్నికల్లో వైఎస్ జగన్మోహన్ రెడ్డిపై పోటీకి తులసీరెడ్డి సై

హైదరాబాద్: మాజీ పార్లమెంటు సభ్యుడు వైఎస్ జగన్ పైనగానీ, దివంగత ముఖ్యమంత్రి వైఎస్ రాజశేఖరరెడ్డి సతీమణి విజయలక్ష్మిపైనగానీ ఉప ఎన్నికలలో పోటీ చేయాడానికి సిద్ధమని కాంగ్రెస్ అధికార ప్రతినిధి ఎన్.తులసీరెడ్డి శనివారం చెప్పారు. పార్టీ అధిష్టానం ఆదేశిస్తే కడప పార్లమెంటునుండిగానీ, పులివెందుల శాసనసభనుండిగానీ పోటీ చేస్తానన్నారు. కాంగ్రెస్ పార్టీ కడప, పులివెందులలో విజయం సాధిస్తుందన్నారు.

కాగా ఈ నెల 21, 22 తేదీలలో జగన్ చేపట్టే 48 గంటల నిరవధిక నిరాహార దీక్షకు తన పూర్తి మద్దతు ఉంటుందని మాజీ మంత్రి కొణతాల రామకృష్ణ స్పష్టం చేశారు. జగన్ దీక్షకు సంఘీభావం తెలుపుతానన్నారు. రాజకీయాలకతీతంగా వైఎస్ అభిమానులుగా మేం ఆయనకు మద్దతు ప్రకటిస్తామన్నారు. తన కార్యకర్తలు, అభిమానులు జగన్ వైపు వెళతానంటే నేను కూడా వారి వెంటే వెళతానని శాసనసభ్యుడు కన్నారావు స్పష్టం చేశారు.