చంద్రబాబునాయుడికి మద్దతుగా జూనియర్ ఎన్టీఆర్ ఒక్కరోజు దీక్ష

హైదరాబాద్: ప్రముఖ సినీ నటుడు, అల్లుడు జూనియర్ ఎన్టీఆర్ నిరవధిక దీక్ష చేస్తున్న తెలుగుదేశం పార్టీ అధ్యక్షుడు, మాజీ ముఖ్యమంత్రి నారా చంద్రబాబునాయుడికి మద్దతుగా సోమవారం దీక్షా శిబిరంలోనే ఒకరోజు సంఘీభావ దీక్ష చేపట్టనున్నారు. న్యూ ఎమ్మెల్యే క్వార్టర్సులోనే మామ చంద్రబాబుకు మద్దతుగా ఎన్టీఆర్ దీక్షలో కూర్చుంటారని తెలుస్తోంది. ఆదివారం హీరో కళ్యాణ్ రామ్ వచ్చి సంఘీభావం ప్రకటించారు.

రాష్ట్రంలోని రైతుల సమస్యలను పరిష్కరించాలని చంద్రబాబు దీక్ష చేపట్టిన విషయం తెలిసిందే. ఆయనకు జాతీయ పలువురు జాతీయ నేతలు వచ్చి సంఘీభావం ప్రకటించారు. సోమవారం కూడా కొందరు రానున్నారు. ప్రభుత్వాన్ని విమర్శిస్తూ, రైతులను ఆత్మహత్యలు చేసుకోవద్దని కోరుతు చంద్రబాబు ఆదివారం బహిరంగ లేఖ రాశారు.