ఎవరు అవునన్నా, కాదన్నా జగన్ ఓదార్పులో పాల్గొంటా: ఎమ్మెల్యే పిన్నిల్లి

గుంటూరు: మాజీ పార్లమెంటు సభ్యుడు, దివంగత ముఖ్యమంత్రి వైఎస్ రాజశేఖరరెడ్డి తనయుడు వైఎస్ జగన్మోహన్ రెడ్డి గుంటూరులో చేపట్టే ఓదార్పు యాత్రలో పాల్గొంటానని మాచర్ల శాసనసభ్యుడు పిన్నిల్లి రామకృష్ణారెడ్డి స్పష్టం చేశారు. దివంగత వైఎస్ రాజశేఖరరెడ్డికి, వైఎస్ జగన్మోహన్ రెడ్డికి నేను వీరాభిమానిని అని ఆయన ప్రకటించారు. ఆయనపై ఉన్న అభిమానంతో ఆయన గుంటూరులో చెప్పే ఓదార్పు యాత్రకు వెళ్లి తీరుతానని చెప్పారు.

ఎవరు అవునన్నా, ఎవరు కాదన్నా ఓదార్పులో పాల్గొంటానని చెప్పారు. కాంగ్రెస్ పార్టీలోనే ఉన్నప్పటికీ జగన్ కు మద్దతు ప్రకటిస్తానన్నారు. గుంటూరు జిల్లాలో జగన్ కు నా పూర్తి సహకారం ఉంటుందని చెప్పారు. ఇందులో ఎలాంటి చర్చకు తావులేదని తేల్చి చెప్పారు.