చంద్రబాబు కుమారుడు లోకేష్ కు పోలీసుల తోపులాటలో గాయాలు

హైదరాబాద్‌: తెలుగుదేశం పార్టీ అధినేత నారా చంద్రబాబు నాయుడి దీక్ష భగ్నం నేపథ్యంలో పోలీసులతో జరిగిన పెనుగులాటలో చంద్రబాబు కుమారుడు లోకేష్ ‌కు సోమవారం తెల్లవారు జామున స్వల్పగాయాలయ్యాయి. లోకేష్‌ కు తల, కుడిచేతికి గాయాలయ్యాయి. ఆయన నిమ్స్ ‌లో చికిత్స పొందుతున్నారు. లోకేష్ ను వేదిక మీది నుంచి పోలీసులు ఈడ్చేశారు.

పోలీసులతో పెనుగులాటలో పలువురు ఎమ్మెల్యేలు సహా ఎమ్మెల్సీ రాజేంద్రప్రసాద్ ‌కు కూడా స్వల్పగాయాలయ్యాయి. దీక్షను భగ్నం చేసేందుకు పోలీసులు అడ్డువచ్చిన తెలుగుదేశం నేతలు, కార్యకర్తల్ని, ఆఖరికి చంద్రబాబు కుమారుడు లోకేష్‌ను కూడా దీక్షా వేదిక నుంచి కిందకు నెట్టి చంద్రబాబును అదుపులోకి తీసుకున్నారు.