వెంకన్న ప్రతిష్ట దిగజార్చారు: క్లీన్ చిట్ పై డాలర్ శేషాద్రి

తిరుపతి: తిరుమల తిరుపతి దేవస్థాన పూజారి డాలర్ శేషాద్రికి క్లీన్ చిట్ దొరికింది. శేషాద్రి తిరుమల తిరపతి వేంకటేశ్వరస్వామి సన్నిధిలోని డాలర్లలో ఎలాంటి అక్రమాలకు పాల్పడలేదని కోర్టు తీర్పు చెప్పింది. అనంతరం ఆయన విలేకరులతో మాట్లాడారు. డాలర్ల మాయం విషయంలో నన్ను టార్గెట్ చేసి వెంకన్న ప్రతిష్టను దిగజార్చారన్నారు.

వ్యక్తిగత కుట్రతోనే రమణ కుమార్ నాకు వ్యతిరేకంగా నివేదిక ఇచ్చారన్నారు. డాలర్ల మాయం కేసులో తనకు ఎలాంటి సందర్భం లేదని ఆయన చెప్పారు. తనకు క్లీన్ చిట్ రావటం పట్ల తన నిజాయితి అందరికీ తెలిసిందన్నారు. ఈ తీర్పుపై ఆనందం వ్యక్తం చేస్తున్నట్లు చెప్పారు.