ఐదో రోజుకు చేరిన చంద్రబాబు దీక్ష: క్షీణిస్తున్న ఆరోగ్యం

హైదరాబాద్: తెలుగుదేశం పార్టీ అధ్యక్షుడు నారా చంద్రబాబు నాయుడి నిరాహార దీక్ష మంగళవారం ఐదో రోజుకు చేరుకుంది. ఆయన నిజాం వైద్య విజ్ఞాన సంస్థ (నిమ్స్)లో దీక్షను కొనసాగిస్తున్నారు. చంద్రబాబును సోమవారం తెల్లవారు జామున పోలీసులు అరెస్టు చేసి నిమ్స్ లో చేర్పించిన విషయం తెలిసిందే. ఆయన నిమ్స్ లో వైద్య చికిత్సను నిరాకరిస్తున్నారు.

చంద్రబాబు దీక్షకు మద్దతుగా రాష్ట్రవ్యాప్తంగా ఆందోళనలు చెలరేగుతున్నాయి. భారీ వర్షాలకు, తుఫాన్లకు నష్టపోయిన రైతులకు సరైన సహాయం అందించాలని డిమాండ్ చేస్తూ చంద్రబాబు దీక్షను సాగిస్తున్నారు. దీక్షను ఇదే విధంగా కొనసాగిస్తే చంద్రబాబు ఆరోగ్యం మరింత క్షీణిస్తుందని అంటున్నారు.