ఆందోళనకరంగా చంద్రబాబు ఆరోగ్యం: సోమరాజు

హైదరాబాద్‌: రైతుల సమస్యలపై నిమ్స్‌లో నిరవధిక దీక్ష కొనసాగిస్తున్న తెలుగుదేశం పార్టీ అధ్యక్షుడు చంద్రబాబు ఆరోగ్య పరిస్థితి ఆందోళనకరంగా మారిందని ఆయన వ్యక్తిగత వైద్యుడు సోమరాజు మంగళవారం ఉదయం తెలిపారు. ఐదో రోజు కూడా దీక్ష కొనసాగితే ఆయన ఆరోగ్యం మరింత క్షీణిస్తుందని చెప్పారు. వైద్యులందించే చికిత్సను కూడా చంద్రబాబు నిరారిస్తున్నట్లు ఆయన తెలిపారు. ద్రవరూపంలో ఆహారం తీసుకోవడానికి చంద్రబాబు నిరాకరిస్తున్నట్లు చంద్రబాబును కలిసొచ్చిన తర్వాత ఆయన మీడియాకు తెలిపారు.

చంద్రబాబు నిరవధిక నిరాహార దీక్ష మంగళవారం ఐదో రోజుకు చేరుకుంది. చంద్రబాబుకు సంఘీభావంగా రాష్ట్రవ్యాప్తంగా ఆందోళనలు సాగుతున్నాయి. ప్రభుత్వం దిగి వచ్చే వరకు దీక్ష విరమించేది లేదని చంద్రబాబు పట్టుబడుతున్నారు. తెలుగుదేశం నాయకుల్లో ఆందోళన వ్యక్తమవుతోంది.