ఎల్లుండిలోగా తేల్చకపోతే తీవ్ర పరిణామాలు: ఎర్రబెల్లి దయాకర్ రావు

హైదరాబాద్: తమ పార్టీ అధ్యక్షుడు నారా చంద్రబాబునాయుడు పెట్టిన డిమాండ్లకు ఎల్లుండిలోగా తీర్చకపోతే తీవ్ర పరిణామాలు ఉంటాయని తెలుగుదేశం పార్టీ నాయకుడు ఎర్రబెల్లి దయాకర రావు రాష్ట్ర ప్రభుత్వాన్ని హెచ్చరించారు. ప్రతిష్టకు వెళ్లకుండా డిమాండ్లను పరిష్కరించేందుకు ముఖ్యమంత్రి కిరణ్ కుమార్ రెడ్డి ముందుకు రావాలని ఆయన మంగళవారం మీడియా ప్రతినిధులతో అన్నారు.

కిరణ్ కుమార్ రెడ్డికి అనుభవం లేదని, ఓ సీనియర్ నాయకుడు దీక్ష చేస్తుంటే పట్టించుకోకపోవడం సరైంది కాదని ఆయన అన్నారు. డిమాండ్లను పరిష్కరించకపోతే కిరణ్ కుమార్ రెడ్డిని గద్దె దించే వరకు పోరాటం చేస్తామని ఆయన అన్నారు. రేపు బుధవారం జిల్లా కలెక్టరేట్ల ముట్టడి ఉంటుందని ఆయన చెప్పారు.