వైయస్ జగన్ వెంట నడుద్దాం, సాధిద్దాం: సినీ హీరో రాజశేఖర్

విజయవాడ‌: వైయస్ జగన్ వెంట నడిచి మన భవిష్యత్తును స్వర్ణమయం చేసుకుందామని సినీ హీరో రాజశేఖర్ పిలుపునిచ్చారు. వైయస్ జగన్ లక్ష్యదీక్ష ప్రాంగణం వేదిక నుంచి ఆయన మంగళవారం ఆ పిలుపునిచ్చారు. వచ్చే రోజులు మనవేనని ఆయన అన్నారు. మనకు వైయస్సార్ రాజశేఖర రెడ్డి ఉన్నాడనే నమ్మకంతో ఉన్నామని, దురదృష్టవశాత్తు మనం వైయస్సార్ ను కోల్పోయామని, ఇప్పుడు మనకు వైయస్ జగన్ ఉన్నారని ఆయన అన్నారు. మనం వైయస్సార్ ను, వైయస్ జగన్ చూసి ఓటేశామని, వారు దర్జాగా అధికారంలో కూర్చుని వారి పనులు చేసుకుంటున్నారని, రైతులను పట్టించుకోవడం లేదని ఆయన అన్నారు.

మనం ప్రజల కోసం పనిచేస్తుంటే చెడ్డవాళ్లం అవుతున్నామని రాజశేఖర్ సతీమణి జీవిత అన్నారు. వైయస్ జగన్ ను ముఖ్యమంత్రిని చేసే వరకు పోరాటం చేయాలని ఆమె పిలుపునిచ్చారు. రైతుల కోసం తమ డిమాండ్లను తీర్చే వరకు పోరాటం సాగిద్దామని ఆమె అన్నారు. ప్రజల గురించి మాట్లాడుతుంటే వైయస్ జగన్ ను బయటకు పంపించారని ఆమె కాంగ్రెసు నాయకత్వంపై విమర్శలు చేశారు.