కీచక టీచర్: గర్భం దాల్చిన ఎనిమిదో తరగతి బాలిక

హైదరాబాద్‌: హైదరాబాదులోని బోయగూడ ప్రభుత్వ పాఠశాలలో ఓ ఉపాధ్యాయుడు విద్యార్థినిపై అకృత్యానికి పాల్పడ్డాడు. ఎనిమిదో తరగతి చదువుతున్న విద్యార్థినిని బెదిరించి ఆరు నెలలుగా సురేష్ గౌడ్ అనే ఉపాధ్యాయుడు అత్యాచారానికి పాల్పడుతున్నాడు. దీంతో ఆ బాలిక గర్బం దాల్చినట్లు, ఆమెకు టీచర్ అబార్షన్ చేయించినట్లు ఆరోపిస్తున్నారు.

ఆంధ్రప్రదేశ్‌ బాలసంఘం సంస్థలో బాధితురాలు ఫిర్యాదు చేయడంతో ఈ అకృత్యం వెలుగులోకి వచ్చింది. బోయగూడ ప్రభుత్వ పాఠశాల వద్ద బాలసంఘం కార్యకర్తలు ఆందోళన చేస్తున్నారు. టీచర్ పై కేసు నమోదు చేయించి, ఎసిపి స్థాయి అధికారితో విచారణ జరిపిస్తామని పోలీసు కమిషనర్ ఎకె ఖాన్ హామీ ఇచ్చారు.