ఏడో రోజుకు చేరిన చంద్రబాబు దీక్ష: మరింత క్షీణించిన ఆరోగ్యం

హైదరాబాద్‌: రైతు సమస్యలపై తెలుగుదేశం పార్టీ అధినేత చంద్రబాబు నిరవధిక నిరాహార దీక్ష గురువారం ఏడో రోజుకు చేరింది. ఏడు రోజులుగా ఎటువంటి ఆహారం తీసుకోకపోవడంతో ఆయన బాగా నీరసించిపోయారు. చంద్రబాబు ఆరోగ్యం బాగా క్షీణిస్తోందని, ఇలాగే కొనసాగితే ఆయన ఆరోగ్యానికి ముప్పు వాటిల్లుతుందని వైద్యులు చెబుతున్నారు. చంద్రబాబు చేత దీక్ష విరమింపజేయాలని వైద్యులు కుటుంబ సభ్యులను కోరారు. చంద్రబాబు ఆరోగ్య పరిస్థితి చూసి ఆయన భార్య భువనేశ్వరి కంట తడి పెట్టారు.

చంద్రబాబు నాయుడి సంబందిత కథనాలు

రైతుల సమస్యల పరిష్కారం కోసం చేస్తున్న ఉద్యమాన్ని మరింత ఉద్ధృతం చేయాలని తెలుగుదేశం పార్టీ నిర్ణయించింది. రహదారుల దిగ్బంధానికి తెలుగుదేశం, వామపక్షాలు పిలుపునిచ్చాయి. ఈ మేరకు రహదారుల దిగ్బంధానికి గురువారం కార్యకర్తలు సన్నద్ధమవుతున్నారు. ప్రభుత్వం గురువారం ఉదయం పదకొండున్నర గంటలకు రైతు సమస్యలపై అఖిల పక్ష సమావేశాన్ని ఏర్పాటు చేసింది.