చంద్రబాబుకు సంఘీభావం తెలిపిన చిరంజీవి: దీక్ష విరమించాలని వినతి

హైదరాబాద్: రైతుల సమస్యల పరిష్కారం కోరుతూ నిమ్స్ లో నిరవధిక నిరాహార దీక్ష చేస్తున్న తెలుగుదేశం పార్టీ అధ్యక్షుడు చంద్రబాబునాయుడిని ప్రజారాజ్యం వ్యవస్థాపక అధ్యక్షుడు చిరంజీవి గురువారం కలసి సంఘీభావం తెలిపారు. ప్రభుత్వం రైతులకు ప్రకటించిన సాయాన్ని పునస్సమీక్షించాలన్నారు. చంద్రబాబు దీక్ష విరమించడానికి ప్రభుత్వం ముందుకు రావాలన్నారు. చంద్రబాబును కూడా దీక్ష విరమించాలని ఆయన కోరారు.

చంద్రబాబు దీక్ష విరమించాలని మంత్రి బొత్స సత్యనారాయణ కోరారు. ఆయన దీక్ష విరమించాలని మనస్ఫూర్తిగా తాను కోరుకుంటున్నానన్నారు. ఆయన దీక్ష విరమిస్తే ప్రభుత్వం ఆయన డిమాండ్లను పరిశీలిస్తుందన్నారు. చంద్రబాబు సేవలు రాష్ట్రానికి అవసరం అన్నారు.2014 వరకు కాంగ్రెస్ ప్రభుత్వమే అధికారంలో ఉంటుందని ఆయన అన్నారు.