చంద్రబాబు దీక్షపై సిఎం కిరణ్ రాజకీయాలు మానుకోవాలి: కెసిఆర్

హైదరాబాద్: రైతుల సమస్యలపై నిరవధిక నిరాహార దీక్ష చేస్తున్న మాజీ ముఖ్యమంత్రి, తెలుగుదేశం పార్టీ రాష్ట్ర అధ్యక్షులు నారా చంద్రబాబునాయుడు దీక్ష చేస్తున్న సమయంలో ముఖ్యమంత్రి కిరణ్ కుమార్ రెడ్డి రాజకీయాలు మానుకోవాలని తెలంగాణ రాష్ట్ర సమితి అధ్యక్షుడు కె.చంద్రశేఖరరావు గురువారం అన్నారు. ముఖ్యమంత్రి కిరణ్ స్వయంగా నిమ్స్ కు వెళ్లి చంద్రబాబు దీక్ష విరమింప చేయాలని సూచించారు. చంద్రబాబు దీక్షపై కూడా ముఖ్యమంత్రి రాజకీయాలు మానుకోవాలన్నారు.

కాగా ఇన్నాళ్లు తెదేపా అధ్యక్షుడు చంద్రబాబును లక్ష్యంగా చేసుకొని మాట్లాడిన కె చంద్రశేఖరరావు రైతుల సమస్యలపై పోరాటం చేస్తున్న బాబు దీక్షపై మాత్రం ఆయనను గురువారం సమర్థించారు. ఇన్నాళ్లూ చంద్రబాబును లక్ష్యంగా చేసుకొని ఇన్నాళ్లు మాట్లాడిన ప్రజారాజ్యం పార్టీ వ్యవస్థాపక అధ్యక్షుడు చిరంజీవి కూడా బుధవారం చంద్రబాబుకు మద్దతు పలికిన విషయం తెలిసిందే.