వైయస్ జగన్ కు వ్యతిరేకంగా పులివెందులలో ప్రజా పరిరక్షణ సమితి కరపత్రాలు

కడప: కాంగ్రెసు అభ్యర్థిగా ఎవరు పోటీ చేసినా తప్పకుండా గెలిపించాలని కడప జిల్లా పులివెందుల నియోజవర్గ సమావేశంలో వ్యవసాయ శాఖ మంత్రి, దివంగత ముఖ్యమంత్రి వైయస్ రాజశేఖరరెడ్డి సోదరుడు వైయస్ వివేకానంద గురువారం కోరారు. అధిష్టానం ఎవరిని పోటీ చేయమంటే వారు చేస్తారని వారిని మనం గెలిపించుకోవాలన్నారు. లేదంటే అధిష్టానం వద్ద తన మాట పోతుందని చెప్పారు.

కాగా వివేకానంద ఏర్పాటు చేసిన సమావేశంలో ప్రజా పరిరక్షణ సమితి పేరుతో కొందరు పంచిన కరపత్రాలు మాజీ పార్లమెంటు సభ్యుడు వైయస్ జగన్ కు వ్యతిరేకంగా ఉన్నట్టు తెలుస్తోంది. అయితే దానికి మంత్రి వైయస్ వివేకానందకు సంబంధం లేదని కూడా తెలుస్తోంది. సాక్షాత్తూ వైయస్ సొంత నియోజకవర్గంలోనే ప్రజా పరిరక్షణ సమితి పేరిట కరపత్రాలు పుట్టుకు రావటం ఇక్కడ గమనార్హం.