కూతురిపై నాలుగేళ్లుగా కిరాతక కామపిశాచి లైంగిక వేధింపులు

విశాఖపట్నం‌: ఓ కామపిశాచి కూతురిపైనే లైంగిక వేధింపులకు పాల్పడుతున్న వైనం విశాఖపట్నం జిల్లా భిమిలీలో జరిగింది. గత నాలుగేళ్లుగా రాజు అనే ఆర్ఎంపి వైడ్యుడు తన పెద్ద కూతురిపై లైంగిక వేధింపులకు పాల్పడుతున్నట్లు పోలీసులకు ఫిర్యాదు అందింది. కూతురు పోలీసులకు గురువారం సాయంత్రం మౌఖికంగా ఫిర్యాదు చేసింది. రాతపూర్వకంగా మాత్రం ఫిర్యాదు ఇవ్వలేదు. ఈ స్థితిలో రాజును పోలీసులు అదుపులోకి తీసుకుని విచారిస్తున్నారు.

తాను లైంగిక వేధింపులకు పాల్పడలేదని, తనను వేధిస్తే ఆత్మహత్య చేసుకుంటానని రాజు పోలీసుల ఎదుట హంగామా చేస్తున్నాడు. అయితే, ఫిర్యాదు చేసిన యువతి అందుబాటులోకి లేకుండా పోయింది. ఆమె కోసం పోలీసులు గాలిస్తున్నారు. ఆమెను కూడా విచారించాలని పోలీసులు అనుకుంటున్నారు.