మెరుగు పడుతున్న చంద్రబాబు ఆరోగ్యం: నిమ్స్ వైద్యులు

హైదరాబాద్: రైతాంగ సమస్యలు పరిష్కరించాలంటూ గత ఎనిమిది రోజులుగా నిరవధిక నిరాహార దీక్ష చేస్తున్న తెలుగుదేశం పార్టీ అధ్యక్షుడు, మాజీ ముఖ్యమంత్రి చంద్రబాబునాయుడు ఆరోగ్యం నిలకడగా ఉందని నిజాం ఇన్ట్సిట్యూట్ ఆఫ్ మెడికల్ సైన్స్(నిమ్స్) వైద్యులు శుక్రవారం చెప్పారు. చంద్రబాబు ఆరోగ్యం క్రమంగా మెరుగు పడుతోందన్నారు. ప్రస్తుతం ఐవీ ఫ్లూయిడ్స్ మాత్రమే ఎక్కిస్తున్నామని చెప్పారు. ప్రాణప్రాయం తప్పిందన్నారు. అయితే ఇన్ని రోజులుగా ఏమీ లేక పోవటంతో ఇంకా నీరసంగా ఉన్నారని చెప్పారు.

కాగా చంద్రబాబుకు ప్రభుత్వం బలవంతంగా ఫ్లూయిడ్స్ ఎక్కిస్తున్నారని తెలుగుదేశం పార్టీ ఆరోపిస్తుంది. బలవంతంగా ప్రభుత్వం చంద్రబాబు దీక్షను విరమింపచేస్తే సమస్య పరిష్కారం అవుతుందని భావిస్తున్నారు. రైతాంగ సమస్యలకు సంబంధించిన ఈ విషయాన్ని వదిలేది లేదన్నారు. రైతులకు న్యాయం జరిగే వరకు అన్ని పార్టీలతో కలిసి పోరాడుతామని వారు హెచ్చరించారు.