హైదరాబాదులోనే ఎక్కువ సంప్రతింపులు జరిపాం: శ్రీకృష్ణ కమిటీ

న్యూఢిల్లీ: రాష్ట్రంలో ఎక్కువగా హైదరాబాదులోనే సంప్రతింపులు జరిపామని తెలంగాణపై కేంద్రం ఏర్పాటు చేసిన శ్రీకృష్ణ కమిటీ మంగళవారం విలేకరుల సమావేశంలో చెప్పారు. కేంద్రం మా కమిటీని ఫిబ్రవరి 30న ఏర్పాటు చేసిందని, అప్పటినుండి ఇప్పటి వరకు ఈ అంశంపై 30 సార్లు సమావేశం అయ్యామని చెప్పారు. ఈ నెల 31న కేంద్ర హోంశాఖమంత్రి చిదంబరానికి నివేదిక ఇస్తామని చెప్పారు.

మా కమిటీకి సహకరించిన రాజకీయ పార్టీలు, సంస్థలు, సంఘాలు, ఎన్జీవోలు అన్నింటికి శ్రీకృష్ణ కమిటీ కృతజ్ఞతలు తెలిపింది. కేంద్రానికి తమ నివేదిక ఇవ్వడంతో తమ పని పూర్తవుతుందని చెప్పారు. అనుకున్న సమయానికి నివేదిక ఇవ్వరని పలువురు ఆరోపించారని, అనుకున్న సమయానికి ఇవ్వడం ద్వారా వారి మాటలు అబద్దమయ్యాయని చెప్పారు.