వైయస్ జగన్ ను ప్రసన్నం చేసుకోండి: సోనియాకు జోగయ్య లేఖ

హైదరాబాద్: కొత్త పార్టీ స్థాపించక ముందే కడప మాజీ పార్లమెంటు సభ్యుడు వైఎస్ జగన్మోహనరెడ్డి భావాలను అర్థంచేసుకొనిప్రసన్నం చేసుకోవాల్సిందిగా మాజీ ఎంపీ సీహెచ్ హరిరామజోగయ్య కాంగ్రెస్ హైకమాండ్‌కు సూచించారు. ఈ మేరకు ఏఐసీసీ అధినేత్రి సోనియా గాంధీకి మంగళవారం ఆయన లేఖ రాశారు.

అధిష్ఠానం వైఖరి వల్లే పార్టీకి జగన్ దూరమైనట్టు ఆ లేఖలో పేర్కొన్నారు. పాలనా సంస్కరణల పేరుతో వైఎస్ పథకాలన్నింటినీ రోశయ్య నీరుగార్చారని ఆయన ఆరోపించారు. సీఎం కిరణ్‌కుమార్‌రెడ్డి రాజకీయవేత్తలా కాకుండా అధికారి మాదిరిగా నిర్ణయాలు తీసుకుంటున్నారని ఆయన విమర్శించారు.