బిఎస్ఎఫ్ ఆధీనంలోకి సచివాలయం: తెలంగాణలో భారీగా కేంద్ర బలగాలు

హైదరాబాద్‌: శ్రీకృష్ణ కమిటీ కేంద్ర హోం మంత్రి చిదంబరానికి నివేదిక సమర్పించనున్న నేపథ్యంలో రాష్ట్ర సచివాలయం బిఎస్ఎఫ్ జవాన్లు తమ ఆధీనంలోకి తీసుకున్నారు. సచివాలయంలోని ప్రతి బ్లాక్ ను క్షుణ్నంగా తనిఖీ చేశారు. రాష్ట్రంలో పెద్ద యెత్తున కేంద్ర బలగాలను మోహరించారు. తెలంగాణ జిల్లాలు కేంద్ర బలగాలతో నిండిపోయాయి. రాష్ట్రంలో సిఆర్పీఎఫ్, బిఎస్ఎఫ్, ఆర్ఎఎఫ్, సిఐఎస్ఎఫ్ బలగాలు మోహరించాయి. గతానుభవాలను దృష్టిలో పెట్టుకుని బలగాలను మోహరిస్తున్నట్లు డిజిపి అరవింద రావు చెప్పారు. శాంతిభద్రతల పరిస్థితిని కేంద్ర, రాష్ట్ర ప్రభుత్వాలు ఎప్పటికప్పుడు సమీక్షిస్తున్నాయి.

కాగా, రాష్ట్రంలో 50 కంపెనీల కేంద్ర బలగాలు మోహరించాయి. ఒక్క హైదరాబాదులోనే 18 కంపెనీల బలగాలను దింపారు. మిగతా తెలంగాణ జిల్లాల్లో 16 కంపెనీల బలగాలను మోహరించారు. జిల్లాకు రెండు కంపెనీల చొప్పున దించారు. మిగతా జిల్లాల్లో 7 కంపెనల బలగాలు రాష్ట్రానికి త్వరలో రానున్నాయి. ప్రతి పోలీసు స్టేషనులో ఎస్ఐ పర్యవేక్షణలో ప్రత్యేక పోలీసు బృందాన్ని ఏర్పాటు చేశారు. ఒక్కో బృందంలో పది మంది పోలీసులుంటారు.