హోం మంత్రి చిదంబరం చేతికి అందిన శ్రీకృష్ణ కమిటీ నివేదిక

న్యూఢిల్లీ: కేంద్ర ప్రభుత్వం తెలంగాణపై ఏర్పాటు చేసిన శ్రీకృష్ణ కమిటీ తన నివేదికను కేంద్ర హోంమంత్రి చిదంబరానికి గురువారం మధ్యాహ్నం సమర్పించింది. ఈ డిసెంబర్ 31లోపు నివేదిక ఇవ్వాల్సి ఉండగా ఒకరోజు ముందుగానే కమిటీ తన నివేదికను సమర్పించింది. గురువారం 3 గంటలకు నివేదిక ఇస్తామని బుధవారం ప్రకటించిన కమిటీ సభ్యులు కాస్త ముందుగానే 2.20 గంటల ప్రాంతంలో తమ నివేదికను హోంశాఖ కార్యాలయానికి వెళ్లి చిదంబరానికి సమర్పించారు.

కమిటీ తమ నివేదికను 2 సంపుటాలుగా, 600 పేజీలుగా సమర్పించింది. నివేదిక అంశాలు వెల్లడి చేయడానికి నోడల్ అధికారిని నియమించారు. మొదటి సంపుటిలో విశ్లేషణ, సిఫార్సులు ఉండగా, రెండో సంపుటిలో పార్టీలు, ప్రజల అభిప్రాయాలు ఉన్నాయి. లక్షకు పైగా దరఖాస్తులు ఉన్నాయి.