మంత్రి కాసు వెంకటకృష్ణారెడ్డిని అడ్డుకున్న జగన్ అభిమానులు

గుంటూరు: అధికార కాంగ్రెస్ పార్టీలోని మంత్రికి మరోసారి మాజీ పార్లమెంటు సభ్యుడు, దివంగత వైఎస్ రాజశేఖరరెడ్డి తనయుడు వైఎస్ జగన్మోహన్ రెడ్డి అభిమానుల నుండి శుక్రవారం నిరసన వెల్లువెత్తింది. మంత్రి కాసు వెంకటకృష్ణారెడ్డి ఉదయం హైదరాబాదునుండి గుంటూరు జిల్లా సత్తెనపల్లికి రైలులో వెళ్లారు. ఆయన రాక విషయం తెలుసుకున్న వైఎస్ జగన్ అభిమానులు పెద్ద సంఖ్యలో రైలు రాకముందే సత్తెనపల్లి రైల్వేస్టేషన్ కు చేరుకున్నారు.

మంత్రి రైలులోనుండి దిగగానే పెద్ద సంఖ్యలో వచ్చిన జగన్ అభిమానులు ఆయనను అడ్డుకున్నారు. జగన్ వర్గంవైపు రావాలని వారు డిమాండ్ చేశారు. వెంటనే మంత్రి పదవులకు రాజీనామా చేయాలన్నారు. అయితే వారిని పోలీసులు అడ్డుకొని కాసును అక్కడినుండి పంపించారు.