చిదంబరంపై చిరంజీవి చిర్రుబుర్రులు: సమయం కావాలని లేఖ

హైదరాబాద్: శ్రీకృష్ణ కమిటీ నివేదికపై ఈ నెల 6వ తేదీన అఖిల పక్ష సమావేశంపై ఏర్పాటు చేయడంపై ప్రజారాజ్యం అధ్యక్షుడు చిరంజీవి కేంద్ర హోం మంత్రి చిదంబరంపై చిర్రుబుర్రులాడారు. ఈ మేరకు ఆయన సోమవారం చిదంబరానికి ఓ లేఖ రాశారు. నివేదిక చూడకుండా అభిప్రాయాలు చెప్పాలని అడగడం సరి కాదని ఆయన అన్నారు. నివేదికను పార్టీలకు ముందు ఇవ్వాలని, అది చదివిన తర్వాతనే అభిప్రాయాలు చెప్పడానికి వీలవుతుందని ఆయన అన్నారు.

6వ తేదీ సమావేశంలో అభిప్రాయం చెప్పడానికి వీలు కాదని, అభిప్రాయం చెప్పడానికి ముందుకు నివేదిక చదవడానికి తగినంత సమయం కావాలని ఆయన అన్నారు. కాగా, చిరంజీవి ఆదివారం సాయంత్రం ముఖ్యమంత్రి కిరణ్ కుమార్ రెడ్డిని కలిశారు. శ్రీకృష్ణ కమిటీ నివేదికపై ఈ నెల 6వ తేదీన జరిగే అఖిలపక్ష సమావేశంలో అనుసరించాల్సిన వైఖరిపై ఆయన కిరణ్ కుమార్ రెడ్డితో చర్చించినట్లు తెలుస్తోంది.