నమకస్థులే ఎందుకు చంపారో తెలియదు: సూరి భార్య భానుమతి

హైదరాబాద్‌: తన భర్తను నమ్మకస్థులే ఎందుకు చంపారో తెలియదని మద్దెలచెర్వు సూరి భార్య గంగుల భానుమతి అన్నారు. భర్త హత్యపై ఆమె తీవ్ర దిగ్భ్రాంతికి గురయ్యారు. సూరిని ప్రత్యర్థులు చంపారని తాను అనుకున్నానని, అయితే నమ్మకస్థులే చంపారని తెలుస్తోందని, అంత నమ్మకస్థులు సూరిని ఎందుకు చంపారో అర్థం కావడం లేదని ఆమె అన్నారు. తప్పు చేయకపోతే భాను కిరణ్ ఎందుకు పారిపోయాడని ఆమె ప్రశ్నించారు. భాను కిరణ్‌ను, మధుమోహన్ రెడ్డిని కొన్నేళ్లుగా సూరియే పోషిస్తున్నాడని ఆమె చెప్పారు.

కాగా, భాను కిరణ్ హైదరాబాదులోని కూకట్ ‌పల్లి పోలీసు స్టేషన్లో ఉన్నట్లు అనుమానాలు వ్యక్తమవుతున్నాయి. అయితే తమ వద్ద భాను లేడని సైబరాబాద్ పోలీసు కమిషనర్ తిరుమలరావు చెబుతున్నారు. భాను కిరణ్ ఆచూకీ తెలియకపోవడంపై అతని బంధువులు ఆందోళన వ్యక్తం చేస్తున్నారు. అతనికి ఏమవుతోందో అనే అనుమానాలు వ్యక్తమవుతున్నాయి.