తెలంగాణ తెలుగుదేశం శాఖకు చంద్రబాబుపై ఒత్తిడి: నాగం

హైదరాబాద్: తెలంగాణ అంశంపై కేంద్రం ఏర్పాటు చేసిన శ్రీకృష్ణ కమిటీ నివేదిక ప్రత్యేక రాష్ట్రానికి వ్యతిరేకంగా ఉంటే తాము ఎలాంటి త్యాగాలకైనా సిద్ధమని తెలుగుదేశం పార్టీ సీనియర్ నాయకుడు నాగం జనార్ధన్‌రెడ్డి మంగళవారం స్పష్టం చేశారు. తెలంగాణ తెలుగుదేశం పార్టీ శాఖ ఏర్పాటు విషయంలో తమ పార్టీ అధిష్టానంపై ఒత్తిడి తీసుకు వస్తామని ఆయన చెప్పారు. ప్రత్యేక తెలంగాణ కోసం తెలంగామ తెలుగుదేశం పార్టీ ఖచ్చితంగా పోరాటం చేస్తుందన్నారు.

పార్టీ జెండా, ఉద్యమ ఎజెండాతో తెలంగాణ కోసం మేం ఉద్యమిస్తామని చెప్పారు. కాగా తెలంగాణ తెలుగుదేశం పార్టీ ఏర్పాటు విషయంలో కొన్ని సాంకేతిక సమస్యలు ఉన్నాయని శాసనసభ్యుడు వేణుగోపాలచారి అన్నారు. అయితే తెలంగాణ కోసం తెలంగాణ తెలుగుదేశం కట్టుబడి ఉందన్నారు.