వైయస్సార్ పేరుతో వైయస్ జగన్ పార్టీ: రెండు వారాల్లో నిర్ణయం

న్యూఢిల్లీ: వైయస్సార్ పేరు ప్రతిబింబించేలా మాజీ పార్లమెంటు సభ్యుడు వైయస్ జగన్ పార్టీ ఉంటుందని వైవి సుబ్బారెడ్డి చెప్పారు. వైయస్ జగన్ బంధువు వైవి సుబ్బారెడ్డి బుధవారం పార్టీ పేరును నమోదు చేయడానికి కేంద్ర ఎన్నికల కమిషన్ (సిఇసి)ని కలిశారు. పార్టీ పేరు నమోదుకు అవసరమైన పత్రాలను ఆయన సమర్పించారు. పార్టీ పేరును వైయస్సార్ పార్టీగా నమోదు చేసినట్లు తెలుస్తోంది. వైయస్ జగన్ పార్టీ పేరుపై రెండు వారాల్లోగా నిర్ణయం తీసుకుంటామని సిఇసి వర్గాలు చెప్పాయి.

వైయస్సార్ పేరుతో మరొకరు పార్టీ పేరును నమోదు చేసుకున్నా తమ పార్టీ పేరుకు ఆటంకం కాదని ఆయన అన్నారు. కడప పార్లమెంటు సీటుకు, పులివెందుల శాసనసభా నియోజకవర్గానికి ఉప ఎన్నికలు జరిగే లోపునే తమ పార్టీ నమోదవుతుందని ఆయన చెప్పారు. ఉప ఎన్నికల్లో పార్టీ పేరుతోనే పోటీ చేస్తామని ఆయన చెప్పారు.