శ్రీకృష్ణ ఎఫెక్ట్, స్తంభించిన కేంద్ర హోంమంత్రిత్వ శాఖ వెబ్‌ సైట్

న్యూఢిల్లీ: లక్షల హిట్స్ వస్తుండటంతో కేంద్ర హోంమంత్రిత్వ శాఖ వెబ్‌సైట్ పిబిఐ గురువారం ఉదయం 11 గంటలనుండే స్తంభించిపోయింది. తెలంగాణ అంశంపై కేంద్ర ప్రభుత్వం నియమించిన శ్రీకృష్ణ కమిటీ తన నివేదికను సమర్పించిన నేపథ్యంలో గురువారం హోంమంత్రి చిదంబరం అఖిలపక్షాన్ని నిర్వహించారు. అఖిలపక్షంలో పార్టీలకు నివేదికను అందించి ప్రజలకు అందుబాటులో ఉంచడానికి కేంద్ర హోంమంత్రిత్వ అధికారిక వెబ్‌సైట్లో సాయంత్రం పెడతామని చిదంబరం చెప్పారు.

అయితే శ్రీకృష్ణ కమిటీ నివేదికపై సీమాంధ్రలో, తెలంగాణలో ఉత్కంఠ నెలకొన్న నేపథ్యంలో అఖిలపక్షం జరుగుతున్న సమయంలోనే లక్షల సంఖ్యలో సదరు వెబ్‌సైట్‌కు హిట్సు వస్తున్నాయి. ఈ కారణంగా వెబ్‌సైట్‌ పూర్తిగా స్టక్ అయిపోయింది. వెబ్‌సైట్‌ కొందరికి ఓపెన్ అయినప్పటికి వారికి అందులో సమాచారం కనిపించలేదు. దీంతో వారు తీవ్ర నిరాశకు లోనయ్యారు.