రాజభవన్‌ ను ముట్టిడించిన శాసనసభ్యుల ముట్టడి, అరెస్టు

హైదరాబాద్: హైదరాబాదులోని రాజభవన్‌ను తెలుగుదేశం పార్టీ తెలంగాణ ప్రాంత శాసనసభ్యులు శుక్రవారం మధ్యాహ్నం ముట్టడించారు. వారిని పోలీసులు అరెస్టు చేశారు. రాజభవన్ ముందు వారు మెరుపు ధర్నాకు దిగారు. తెలంగాణ ప్లకార్డులు ప్రదర్శించారు. తెలంగాణ వ్యతిరేకి గవర్నర్ గో బ్యాక్, తెలంగాణ సాధిద్దామంటూ వారు నినాదాలు చేశారు. హైదరాబాదులోని ఉస్మానియా విశ్వవిద్యాలయంలోని పోలీసులు బలగాలను వెనక్కి పిలిపించాలని వారు డిమాండ్ చేశారు. తెలుగుదేశం తెలంగాణ ఫోరం కన్వీనర్ నాగం జనార్దన్ రెడ్డి ఆధ్వర్యంలో ఈ ధర్నా జరిగింది.

తెలంగాణలోని పారా మిలిటరీ బలగాలను వెనక్కి పిలిపించాలని, గవర్నర్‌ను రీకాల్ చేయాలని నాగం జనార్దన్ రెడ్డి డిమాండ్ చేశారు. పార్లమెంటులో తెలంగాణ రాష్ట్ర ఏర్పాటు బిల్లును వెంటనే ప్రవేశపెట్టాలని ఆయన డిమాండ్ చేశారు. రాష్ట్రంలో ప్రభుత్వం లేదని, రిమోట్ కంట్రోల్‌తో గవర్నరే పాలన సాగిస్తున్నారని ఆయన విమర్శించారు.