ఒయు వద్ద పోలీసులతో లేడీ బాస్ విజయశాంతి ఫైట్

హైదరాబాద్: హైదరాబాదులోని ఉస్మానియా విశ్వవిద్యాలయం వద్ద తెలంగాణ రాష్ట్ర సమితి (తెరాస) పార్లమెంటు సభ్యులు విజయశాంతి పోలీసులతో వాగ్వివాదానికి దిగారు. తనను ఉస్మానియా విశ్వవిద్యాలయంలోకి అనుమతించాలని ఆమె డిమాండ్ చేశారు. ఆమెను లోనికి వెళ్లడానికి పోలీసులు అనుమతించలేదు. దాంతో ఆమె పోలీసులతో వాగ్వివాదానికి దిగారు. లోపల విద్యార్థులకు ఏమవుతుందో అనే భయాందోళనలు కలుగుతున్నాయని, తనను లోనికి అనుమతించాల్సిందేనని ఆమె అన్నారు.

ఆమెతో పాటు మరి కొంత మంది మహిళలున్నారు. తనను లోనికి అనుమతించాల్సిందేనని విజయశాంతి ఉస్మానియా విశ్వవిద్యాలయం గేటు వద్ద బైఠాయించారు. దీంతో పోలీసులు విజయశాంతిని, ఆమె వెంట ఉన్న మహిళలను అరెస్టు చేశారు. పోలీసులకు వ్యతిరేకంగా ఆమె నినాదాలు చేశారు.