తెలంగాణ తేల్చమంటే దేశం గురించి శ్రీకృష్ణకు ఎందుకు: సిపిఐ నారాయణ

హైదరాబాద్: తెలంగాణ ఉద్యమంలో ఇప్పటినుండి మేం ముందుంటామని సిపిఐ రాష్ట్ర కార్యదర్శి నారాయణ మంగళవారం స్పష్టం చేశారు. ప్రత్యేక తెలంగాణ రాష్ట్రం కోసం సిపిఐ ఆధ్వర్యంలో పోరాటం ప్రారంభిస్తామన్నారు. అందులో భాగంగా జనవరి 24వ తేదీన రాష్ట్రవ్యాప్త ఆందోళనలు చేపడతామని చెప్పారు. తమతో కలిసి వచ్చే ప్రజాసంఘాలతో ఈ ఆందోళనలు చేపడతామని చెప్పారు. తెలంగాణ అంశంపై తేల్చమంటే దేశం గురించి శ్రీకృష్ణ కమిటీకు ఎందుకు అని నారాయణ ప్రశ్నించారు.

కాగా సిపిఐ రాష్ట్ర పార్టీ కార్యవర్గంలో తెలంగాణకు అనుకూలంగా తీర్మానం చేశారు. అనంతరం నారాయణ తెలంగాణ కోసం ప్రజా ఉద్యమం చేపడతామని అప్పుడే స్పష్టం చేశారు. అయితే తాము తెలంగాణ రాష్ట్ర సమితితో గాని, తెలంగాణ జెఏసితో గానీ కలిసి పని చేయమని చెప్పారు. గద్దర్, విమలక్క వంటి ప్రజా సంఘ నేతనలతో కలిసి పని చేయడానికి సుముఖత వ్యక్తం చేశారు.