ఇంటర్నెట్‌లో సెక్స్ వీడియోల దుమారం బాయ్ ఫ్రెండ్ పనే

బెంగళూర్ : కర్ణాటకకు చెందిన ఓ సెక్స్ ఎంఎంఎస్ ఇంటర్నెట్‌లో దుమారం రేపుతోంది. శృంగార సన్నివేశాలతో ఉన్న ఉత్తర కర్ణాటక ఎంఎంస్‌లో కనిపించిన యువతి ధర్వాడ్ మాజీ బ్యూటీ క్వీన్ కావడం విశేషం. తనను పెళ్లి చేసుకోవడానికి నిరాకరించడంతో ఆమె అసభ్య సెక్స్ వీడియోలను బాయ్ ఫ్రెండ్ యూట్యూబ్‌లో అప్ లోడ్ చేశాడు. వాటిని అప్‌లోడ్ చేసిన యువకుడు అశ్వత్ కోసం పోలీసులు గాలిస్తున్నట్లు సమాచారం. వాటిని అతను తన మిత్రులకు పంచిపెట్టినట్లు కూడా తెలుస్తోంది.

కర్ణాటక విశ్వవిద్యాలయంలో పోస్టు గ్రాడ్యుయేషన్ చదువుతున్న సమయంలో ఆమెకు అశ్వత్‌తో సంబంధాలు ఏర్పడినట్లు పోలీసులు చెబుతున్నారు. చదువు పూర్తయిన తర్వాత ఆమె అతనికి దూరమైంది. అశ్వత్ చాలా కష్టంతో ఆమె ఎక్కడుందో కనుక్కుని తనను పెళ్లి చేసుకోవాలని కోరాడు. తనకు ఇది వరకే పెళ్లయిందని చెప్పి అతని కోరికను ఆమె తిరస్కరించింది. దాంతో కక్ష పెంచుకున్న అశ్వత్ సెక్స్ వీడియోలను యూట్యూబ్‌లో అప్‌లోడ్ చేసినట్లు తెలుస్తోంది.