సిఎం కిరణ్‌ మార్పు లేదు, సమర్థంగా పని చేస్తున్నారు: ఏఐసిసి

న్యూఢిల్లీ: ముఖ్యమంత్రి కిరణ్‌ కుమార్‌ రెడ్డిని మారుస్తారని మీడియాలో వస్తున్న వార్తలను కాంగ్రెసు అధిష్టానం ఖండించింది. ముఖ్యమంత్రి కిరణ్‌కుమార్‌రెడ్డి మార్చేది లేదని ఏఐసిసి గురువారం స్పష్టం చేసింది. కిరణ్ సమర్థంగా పని చేస్తున్నారని చెప్పింది. రాష్ట్రంలో ప్రభుత్వానికి ఎలాంటి ఢోకా లేదని చెప్పింది. ప్రభుత్వం పూర్తి కాలం కొనసాగుతుందన్నారు. అయితే తెలంగాణ ఉద్యమం నేపథ్యంలో ఉపముఖ్యమంత్రి పదవి, పిసిసి అధ్యక్ష పదవిపై దృష్టి పెట్టినట్టు చెప్పారు. సమావేశంలో వాటిపైన చర్చించామని చెప్పినట్టుగా తెలుస్తోంది.

ఉప ముఖ్యమంత్రి పదవిని తెలంగాణ రాష్ట్రానికి చెందిన వ్యక్తికి ఇచ్చేందుకు సన్నాహాలు చేస్తున్నట్టు చెప్పినట్టు సమాచారం. అయితే ఉపముఖ్యమంత్రిపై, అధ్యక్షుడిపై సంక్రాంతి తర్వాత నిర్ణయం తీసుకునే అవకాశముందని తెలుస్తోంది. ఉపముఖ్యమంత్రి పదవిని తెలంగాణ ప్రాంతానికి చెందినవారికి ఇవ్వడం ద్వారా తెలంగాణ ఉద్యమ ఆవేశం కాస్త తగ్గించవచ్చనే భావనతో ఉన్నట్టుగా తెలుస్తోంది.