పార్టీ పెట్టే యోచన లేదు, టిడిపిలోనే ఉండి పోరాడుతా: నాగం

హైదరాబాద్: తాను పార్టీ పెడతాననే వార్తల్లో ఎలాంటి వాస్తవం లేదని తెలుగుదేశం పార్టీ సీనియర్ నాయకుడు నాగం జనార్ధన్‌ రెడ్డి గురువారం స్పష్టం చేశారు. పార్టీ అధ్యక్షుడు చంద్రబాబు నాయుడు తెలంగాణపై స్పష్టమైన వైఖరి చెప్పకుండా నాన్చుచుండటంతో తాను తెలుగుదేశాన్ని వీడి కొత్త పార్టీ పెడతాననే కథనాలలో ఎలాంటి నిజం లేదని చెప్పారు. తెలుగుదేశం పార్టీని వీడేది లేదని స్పష్టం చేశారు. టిడిపిలో ఉండే తెలంగాణ కోసం పోరాడతామని చెప్పారు. కాగా బుధవారం ఖమ్మంలో చంద్రబాబును టిఆర్ఎస్ అడ్డుకోవటాన్ని ఖండిస్తూ మీడియాకు ఓ లేఖ విడుదల చేశారు.

చంద్రబాబును అడ్డుకోవటం టిఆర్ఎస్‌కు తగదన్నారు. తెలంగాణ ఫోరం ప్రత్యేక రాష్ట్రానికి కట్టుబడి ఉందని చెప్పారు. ఇలా అడ్డుకోవడాల వల్ల తెలంగాణ రాష్ట్రాన్ని సాధించుకోలేమని సూచించారు. అందరం కలిసి తెలంగాణకోసం ఉద్యమించాలన్నారు. కానీ అడ్డుకోవడాలు మాత్రం సరికాదన్నారు. కాగా నిన్న ఖమ్మం జిల్లాలో చంద్రబాబును టిఆర్ఎస్ వారు అడ్డుకోవటంతో పోలీసులు లాఠీచార్జీ చేసిన విషయం తెలిసిందే.