సూరి హత్యకు బెజవాడలో కుట్ర, సీతారామాంజనేయులు పాత్ర?

విజయవాడ: తన ప్రత్యర్థి సీతారామాంజనేయులుపై తెలుగుదేశం విజయవాడ నాయకుడు వల్లభనేని వంశీ మరో ఆరోపణాస్త్రం సంధించారు. మద్దెలచెర్వు సూరి హత్యకు విజయవాడలోనే కుట్ర జరిగిందని, ఇందులో విజయవాడ మాజీ పోలీసు కమిషనర్ సీతారామాంజనేయులు పాత్ర ఉందని ఆయన ఆరోపించారు. ఈ మేరకు వంశీ విజయవాడ పటమట పోలీసు స్టేషన్‌లో ఫిర్యాదు చేశారు. వంశీ తరఫున న్యాయవాది చిరంజీవి పోలీసులకు ఫిర్యాదును అందించారు.

పారిశ్రామికవేత్త సుభాష్ చంద్రబోస్‌కు చెందిన అన్నపూర్ణ ప్యాకేజెస్ సంస్థ వివాదం సెటిల్మెంట్ వ్యవహారంలో భాను కిరణ్, సీతారామాంజనేయులు కుమ్మక్కయ్యారని ఆయన ఆరోపించారు. సెటెల్మెంట్ వ్యవహారంలో భాను కిరణ్ పాత్ర కీలకమైందని, ఇందులో సీతారామాంజనేయులు పాత్ర కూడా ఉందని ఆయన అన్నారు. సీతారామాంజనేయులుపై కుట్ర కేసు నమోదు చేయాలని ఆయన కోరారు.