తెలంగాణ కోసం రాజీనామా చేస్తా: కొండా సురేఖ వెల్లడి

వరంగల్: తెలంగాణ కోసం తాను రాజీనామా చేస్తానని మాజీ పార్లమెంటు సభ్యుడు వైయస్ జగన్ వర్గానికి చెందిన కొండా సురేఖ చెప్పారు. ఇంతకు ముందు తాను వైయస్ రాజశేఖర రెడ్డి కోసం మంత్రి పదవికి రాజీనామా చేశానని, ఇప్పుడు తెలంగాణ కోసం శాసనసభా సభ్యత్వానికి రాజీనామా చేస్తానని ఆమె శనివారం మీడియా ప్రతినిధులతో చెప్పారు. తెలంగాణకు చెందిన మహిళను కాబట్టే కాంగ్రెసు అధిష్టానం తనను వేధిస్తోందని ఆమె విమర్శించారు.

తెలంగాణ నుంచి వైయస్ జగన్‌కు మద్దతు తెలుపుతున్న ముఖ్య నేత కొండా సురేఖనే. జగన్‌కు బహిరంగంగా మద్దతిస్తున్న ఏకైక ఎమ్మెల్యే ఆమెనే కావడం విశేషం. ఈ విషయంలో ఆమె తెలంగాణవాదుల నుంచి తీవ్ర వ్యతిరేకతను ఎదుర్కుంటున్నారు.