సూరి హత్య వెనక గంగుల భానుమతి హస్తం: నన్నపనేని రాజకుమారి

గుంటూరు‌: మద్దెలచెర్వు సూరి హత్య వెనక తమ పార్టీ అధ్యక్షుడు చంద్రబాబు, ఇతర నాయకుల హస్తం ఉందని సూరి భార్య గంగుల భానుమతి చేసిన ఆరోపణలపై తెలుగుదేశం పార్టీ నాయకురాలు నన్నపనేని రాజకుమారి తీవ్రంగా మండిపడ్డారు. భానుమతిపై ఎదురు దాడికి దిగారు. సూరి హత్య వెనక గంగుల భానుమతి హస్తం ఉందని ఆమె ఆరోపించారు. భానుమతికి, సూరికి మధ్య చాలా కాలంగా సఖ్యత లేదని, దాంతో సూరిని భానుమతి హత్య చేయించి ఉండవచ్చునని ఆమె అన్నారు.

తమ పార్టీ అధ్యక్షుడు చంద్రబాబుపై గంగుల భానుమతి ఆరోపణలు చేయడం వెనక ప్రభుత్వ హస్తం ఉందని ఆమె విమర్శించారు. సూరి హత్య కేసులో హోం మంత్రి సబితా ఇంద్రారెడ్డి కుమారుడు కార్తిక్ రెడ్డిపై ఆరోపణలు వస్తున్నాయని ఆమె గుర్తు చేస్తూ అందుకు బాధ్యత వహించి సబితా ఇంద్రారెడ్డి మంత్రి పదవికి రాజీనామా చేయాలని డిమాండ్ చేశారు.