తెలంగాణ కోసం మొదటి రాజీనామా నాదే: జగన్ వర్గం ఎమ్మెల్యే సురేఖ

వరంగల్: ప్రత్యేక తెలంగాణ రాష్ట్ర సాధన కోసం తాను కట్టుబడి ఉన్నానని మాజీ పార్లమెంటు సభ్యుడు, దివంగత ముఖ్యమంత్రి వైయస్ రాజశేఖరరెడ్డి తనయుడు వైయస్ జగన్మోహన్‌రెడ్డి వర్గం తెలంగాణ ఎమ్మెల్యే కొండా సురేఖ ఆదివారం స్పష్టం చేశారు. తెలంగాణ కోసం తాను రాజీనామాకు సైతం సిద్ధమని ప్రకటించారు. అన్ని పార్టీల ఆధ్వర్యంలో వేదికను ఏర్పాటు చేస్తే మొదటి రాజీనామా నేనే చేస్తానని ప్రకటించారు.

ఇంతకుముందు తాను దివంగత వైయస్ కోసం మంత్రి పదవికి రాజీనామా చేశానని, ఇప్పుడు తెలంగాణ కోసం ఎమ్మెల్యేకు రాజీనామా చేస్తానని ఆమె శనివారం కూడా ప్రకటించారు. తెలంగాణకు చెందిన మహిళను కాబట్టే కాంగ్రెసు అధిష్టానం తనను వేధిస్తోందని ఆమె విమర్శించారు. తెలంగాణ నుంచి వైయస్ జగన్‌కు మద్దతు తెలుపుతున్న ఏకైక ఎమ్మెల్యే కొండా సురేఖ కావడం గమనార్హం.