శబరిమల మానవ తప్పిదమే: కాంగ్రెస్, దుర్ఘటన స్థలానికి రాహుల్‌గాంధీ

కోచి: శబరిమల తిరుగుయాత్రలో తొక్కిసలాట కారణంగా జరిగిన దుర్ఘటన ప్రాంతాన్ని ఏఐసిసి ప్రధాన కార్యదర్శి రాహుల్‌గాంధీ సందర్శించడానికి విఫల ప్రయత్నం చేశారు. ఆదివారం ఉదయం ఆయన ప్రత్యేక హెలికాప్టర్‌లో ఆ సంఘటన ప్రాంతానికి వెళ్లారు. సంఘటన తీవ్రత దృష్టా అక్కడ సందర్శించడానికి వెళ్లారు. అయితే తీవ్రమైన పొగమంచు కారణంగా హెలికాప్టర్ క్రిందకు దిగలేకపోయింది.

కాగా శబరిమల దుర్ఘటనను కాంగ్రెస్ పార్టీ తీవ్రంగా తప్పు పట్టింది. ఈ సంఘటన మానవ తప్పిదమేనని ఆరోపించింది. లక్షలమంది వచ్చే ప్రాంతానికి 20 మంది పోలీసులను పెట్టడాన్ని కాంగ్రెస్ ఖండించింది. కేరళలో అధికారంలో ఉన్న లెఫ్ట్ ప్రభుత్వం నిర్లక్ష్యం కారణంగా ఈ దుర్ఘటన చోటు చేసుకున్నదని ఆరోపించింది.