గుంతకల్ ఎమ్మెల్యే మధుసూదన్ గుప్తాకు జైలు శిక్ష

కర్నూలు: కర్నూలు జిల్లా గుంతకల్ శాసనసభ్యుడు మధుసూదన్ గుప్తాకు స్థానిక కోర్టు మూడు నెలల జైలు శిక్ష విధించింది. దాంతో పాటు 60 వేల రూపాయల జరిమానా కూడా విధించింది. గుప్తాకు చెందిన ఓ స్టీల్ ఫ్యాక్టరీలో 2006 జూలైలో గ్యాస్ లీకయి ముగ్గురు కార్మికులు సజీవ దహనమయ్యారు. అప్పటి నుంచి నాలుగేళ్ల పాటు ఈ కేసు విచారణ సాగింది. చివరకు ఎమ్మెల్యేకు జైలు శిక్ష, జరిమానా విధిస్తూ కోర్టు సోమవారం తీర్పు చెప్పింది.

ఫ్యాక్టరీ మేనేజర్ దేవరాజుకు కోర్టు మూడు నెలల జైలు శిక్ష, 60 వేల రూపాయల జరిమానా విధించింది. జిల్లా కోర్టుకు అపీల్ చేసుకునేందుకు శాసనసభ్యుడికి స్థానిక కోర్టు నెల రోజుల గడువు ఇచ్చింది. కోర్టు తీర్పు వెలువడిన వెంటనే పోలీసులు మధుసూదన్ గుప్తాను అదుపులోకి తీసుకున్నారు. ఆ తర్వాత బెయిల్‌పై ఆయన విడుదలయ్యారు. అయితే, మధుసూదన్ గుప్తా మీడియాకు అందుబాటులో లేరు.