హైదరాబాద్ వార్తల కోసం
నోటిఫికేషన్స్ పై క్లిక్ చేయండి  
Oneindia App Download

వైయస్ జగన్ స్టేట్‌మెంట్ రికార్డు చేయాలి: వర్ల రామయ్య

By Pratap
|
Google Oneindia TeluguNews

Varla Ramaiah
హైదరాబాద్: మస్తాన్ రావు అనే రియల్టర్ ఆత్మహత్య కేసులో మాజీ పార్లమెంటు సభ్యుడు వైయస్ జగన్ స్టేట్‌మెంట్ రికార్డు చేయాలని తెలుగుదేశం పార్టీ నాయకుడు వర్ల రామయ్య డిమాండ్ చేశారు. వైయస్ జగన్ మనుషుల వల్లనే తాను ఆత్యహత్య చేసుకుంటున్నట్లు మస్తాన్ రావు లేఖ రాసిపెట్టిన విషయం తాజాగా వెలుగులోకి వచ్చిన నేపథ్యంలో మంగళవారం ఆయన ఆ డిమాండ్ చేశారు.

మస్తాన్ రావు ఆత్మహత్య కేసును తిరిగి తెరిచి దర్యాప్తు చేపట్టాలని ఆయన మీడియా ప్రతినిధుల సమావేశంలో డిమాండ్ చేశారు. సూసైడ్ నోట్‌పై సంతకం లేకపోయినంత మాత్రాన అందులో పేర్లను విస్మరించడానికి వీలు లేదని ఆయన అన్నారు. సూసైడ్ నోట్‌లో ఉన్న పేర్లున్న అందరిపై కేసు నమోదు చేయాలని కూడా ఆయన కోరారు. న్యాయవాది శ్రీకాంత్ గౌడ్‌ కోట్లాది రూపాయలు ఎలా సంపాదించారో తెలియాలని ఆయన అన్నారు.

కాగా, మస్తాన్ రావు ఆత్మహత్యతో తనకు సంబంధం లేదని న్యాయవాది శ్రీకాంత్ గౌడ్ అంటున్నారు. భాను కిరణ్, మంగలి కృష్ణ భూముల కొనుగోలు విషయంలో న్యాయ సలహాల కోసమే తన వద్దకు వచ్చేవారని ఆయన చెప్పారు. భానుకు అబ్బిరెడ్డి మల్లికార్జున రెడ్డిని తానే పరిచయం చేసినట్లు ఆయన తెలిపారు. బెయిల్ వచ్చే వరకు మాత్రమే తాను సూరితో కాంటాక్టులో ఉన్నట్లు ఆయన తెలిపారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X