దేశాన్ని దోచేస్తున్నా పట్టించుకోరా: బ్లాక్‌ మనీపై కేంద్రానికి సుప్రీం అక్షింతలు

న్యూఢిల్లీ: నల్లదనం అక్రమార్కుల వివరణపై సుప్రీంకోర్టు బుధవారం కేంద్ర ప్రభుత్వంపై తీవ్ర ఆగ్రహం వ్యక్తం చేసింది. వివిధ దేశాల్లో నల్లధనం దాచిన వ్యక్తుల పేర్లు ఇంకా దాచటం సుప్రీం కేంద్రంపై తీవ్రంగా విరుచుకుపడింది. ఇప్పటికీ అక్రమార్కుల పేర్లు ఎందుకు చెప్పరని ప్రశ్నించింది. అరకొర సమాచారంతో దేశంలోని ప్రజలందరినీ అయోమయానికి గురిచేస్తుండటంపై అభ్యంతరం వ్యక్తం చేసింది. అక్రమార్కులు దేశాన్ని దోచేస్తున్నా ప్రభుత్వం పట్టించుకోదా అని ప్రశ్నించారు. అయితే సుప్రీంకోర్టులో వాదోపవాదాలు జరుగుతున్న సందర్భంగా సుప్రీం ఈ వ్యాఖ్యలు చేసింది.

పూర్తి వివరాలు సేకరించిన తర్వాత విడుదల చేస్తామని కేంద్రం చెప్పిన సమాధానంపై సుప్రీంకోర్టు సంతృప్తి చెందలేదు. అక్రమార్కుల జాబితా విడుదల జాప్యంపై అక్షింతలు వేసింది. అయితే 26 మంది అక్రమార్కుల పేర్లు వెల్లడించినట్టుగా తెలుస్తోంది. కాగా కొన్ని దేశాలతో ఉన్న ఒప్పందాల దృష్ట్యా ప్రభుత్వం అక్రమార్కుల పేర్లు వెల్లడించడం లేదని తెలుస్తోంది. ఆస్ట్రియా, జర్మనీ తదితర దేశాలతో ఉన్న ఒప్పందాల కారణంగా ఆయా దేశాల బ్యాంకులోలో డబ్బులు ఉన్న వారి వివరాలు ఇస్తే ఒప్పందం ఉల్లంఘన కిందకు వస్తుందనే బయటకు వెల్లడించటం లేదని తెలుస్తోంది.