నాలుగో తరగతి విద్యార్థినిపై ఉపాధ్యాయుడి అత్యాచారయత్నం

హైదరాబాద్: ఓ ప్రయివేటు పాఠశాల ఉపాధ్యాయుడు విద్యార్థినిపై అత్యాచారయత్నానికి పాల్పడ్డ దారుణ సంఘటన హైదరాబాదులో చోటు చేసుకుంది. హైదరాబాదులోని కూకట్‌పల్లిలో ఉన్న ప్రజ్ఞా ప్రయివేటు పాఠశాలలో పని చేస్తున్న నాలుగవ తరగతి అమ్మాయిపై అదే పాఠశాలలో ఉపాద్యాయుడిగా పని చేస్తున్న వ్యక్తి మంగళవారం అత్యాచారానికి పాల్పడ్డాడు. మంగళవారం సాయంత్రం పాఠశాల విడిపి పెట్టిన తర్వాత ఇంటికి వెళుతున్న విద్యార్థినితో టీచర్ అసభ్యంగా ప్రదర్శించాడు. దాంతో ఆ విద్యార్థి ఏడ్చుకుంటూ ఇంటికి వెళ్లి తల్లిదండ్రులతో చెప్పింది.

విద్యార్థిని వెంటబెట్టుకొని తల్లిదండ్రులు, బంధువులు బుధవారం ఉదయమే పాఠశాల వద్దకు చేరుకున్నారు. పాఠశాల వద్ద పెద్ద ఎత్తున ఆందోళన నిర్వహించారు. అత్యాచార యత్నానికి పాల్పడ్డ ఉపాధ్యాయున్ని అందరూ కలిసి చితకబాదారు. అనంతరం పోలీసులకు అప్పగించారు. పోలీసులు కేసు నమోదు చేసుకొన్నారు. పాఠశాల వద్ద పోలీసులు పరిస్థితిని అదుపులోకి తీసుకు వస్తున్నారు.