బ్లాక్ బెర్రీ మొబైల్ ఫోన్లలో అశ్లీల వెబ్ సైట్ లను నిషేధించిన రిమ్
ఈ విషయంపై బ్లాక్బెర్రీ కంపెనీ ప్రతినిధి స్పందిస్తూ..ఇండోనేషియా నియంత్రణల మేరకు మొబైల్ ఫోన్లలో అశ్లీల సైట్లను ఫిల్టర్ చేసేందుకు రిమ్ కసరత్తలు మొదలుపెట్టిందని చెప్పారు. ఇండోనేషియా మార్కెట్లో పెట్టుబడులు పెట్టడాన్ని రిమ్ కొనసాగిస్తుందని, తమ వినియోగదారులకు, డెవలపర్లకు, పంపిణీ భాగస్వాములకు మద్దతివ్వడాన్ని కొనసాగిస్తామని కంపెనీ అధికారి ఒకరు వెల్లడించారు. బ్లాక్బెర్రీ ఫోన్లో ఇండోనేషియన్లు ప్లేబాయ్ వెబ్సైట్ను యాక్సెస్ చేయడానికి ప్రయత్నించగా.. "మీరు ప్రయత్నిస్తున్న సైట్ ఈ నెట్వర్క్ ద్వారా యాక్సెస్ చేయడం వీలుకాదు" అనే సందేశం మొబైల్ తెరపై ప్రత్యక్షమైంది.
కాగా.. రిమ్ తీసుకున్న ఈ నిర్ణయాన్ని ఇండోనేషియా సమాచార శాఖా మంత్రి తిఫతుల్ సెంబిరింగ్ ప్రశంసిస్తూ తన ట్విట్టర్ బ్లాగ్లో ఓ సందేశాన్ని పోస్ట్ చేశారు. ఇండోనేషియా చట్టాలను, నియంత్రణలను రిమ్ చక్కగా పాటించిందని ఆయన తన సందేశంలో పేర్కొన్నారు.