వికీలీక్స్‌ కు వివరాలపై స్విస్ బ్యాంక్ మాజీ ఉద్యోగి ఎల్మర్ అరెస్టు

జురిచ్: వికీలీక్స్ ‌కు వివరాలు అందించినందుకు స్విస్ పోలీసులు మాజీ బ్యాంకర్ రుడాల్ఫ్ ఎల్మర్‌ను బుధవారం అరెస్టు చేశారు. స్విస్ బ్యాంక్ గోప్యతా చట్టాన్ని ఉల్లంఘించినందుకు ఆయనను పోలీసులు అరెస్టు చేశారు. వికీలీక్స్‌కు సిడి ఇవ్వడం ద్వారా రుడాల్ఫ్ ఎల్మర్ స్విస్ బ్యాంకింగ్ చట్టాన్ని ఉల్లంఘించారా, లేదా అనే విషయాన్ని ప్రభుత్వ ప్రాసిక్యూటర్ కార్యాలయం పరిశీలిస్తున్నట్లు జురిచ్ కంటోనల్ పోలీసు, ప్రభుత్వ ప్రాసిక్యూటర్ ఓ సంయుక్త ప్రకటనలో తెలిపాయి.

అంతకు మించి వివరాలు ఇవ్వలేదు.విదేశీ ఖాతాల వివరాలున్న సిడిని ఎల్మర్ వికీలీక్స్ వ్యవస్థాపకుడు జులియన్ అసాంజేకు సోమవారం ఇచ్చారు. వికీలీక్స్‌కు అందించిన రహస్య ఖాతాల్లో భారతీయుల సొమ్ము కూడా ఉన్నట్లు ప్రచారం జరుగుతోంది. ఈ వివరాలను వికీలీక్స్ ఇంకా ఇంటర్నెట్‌లో పెట్టాల్సి ఉంది.