సేవాభావంతో పాటు క్రమశిక్షణ కూడా ఉండాలి: బాలకృష్ణ

హైదరాబాద్: బసవ తారకం క్యాన్సర్ హాస్పిటల్లో ఉద్యోగులను అధికారులు తొలగించడాన్ని ప్రముఖ సినీ హీరో బాలకృష్ణ సమర్థించారు. ఉద్యోగులను తొలగించడాన్ని ఆయన సమర్థించారు. వైద్యశాలలో పని చేసే ఉద్యోగులకు ఒకరికి సహాయం చేయాలనే ఉద్దేశ్యం ఒకటి మాత్రమే ఉంటే సరిపోదని, వారికి క్రమశిక్షణ కూడా ఉండాలని అన్నారు. అలా ఉంటేనే ఉద్యోగానికి అర్థం ఉంటుందని చెప్పారు. హాస్పిటల్ లో ఉద్యోగం చేయడానికి సేవాభావంతో పాటు క్రమశిక్షణ కలిగి ఉండాలని చెప్పారు. కాగా మూడు నెలల క్రితం ఆసుపత్రిలో జీతాలు పెంచడం లేదంటూ కూడా ఆందోళన చోటు చేసుకున్న విషయం తెలిసిందే. అది మరిచిపోక ముందే మళ్లీ హాస్పిటల్ మేనేజ్ మెంటు ఉద్యోగులను కొందరిని ఉద్యోగం నుండి తొలగించారు.

అయితే తాము ఎలాంటి క్రమశిక్షణారాహిత్యానికి పాల్పడలేదని ఉద్యోగులు ఆవేదన వ్యక్తం చేస్తున్నారు. ఇప్పుడు మమ్మల్ని తొలగించారు. రేపు మరో ఇద్దరిని తొలగిస్తారు. ఇలా ఎందరిని తొలగిస్తారని వారు ప్రశ్నిస్తున్నారు. ఎలాంటి తప్పు చేయకున్నా ఉద్యోగం నుండి తొలగించారని ఆరోపించారు.