సోనియా, జగన్ వాటాలు తేల్చలేకే కేవిపి తెరమరుగు: దేవినేని

విజయవాడ: మాజీ పార్లమెంటు సభ్యుడు వైయస్ జగన్మోహన్ రెడ్డి, ఏఐసిసి అధ్యక్షురాలు సోనియా గాంధీపై తెలుగుదేశం పార్టీ సీనియర్ నాయకుడు, మాజీ మంత్రి దేవినేని ఉమామహేశ్వరరావు తీవ్రస్థాయిలో విరుచుకుపడ్డారు. అవినీతిలో జగన్, సోనియా గాంధీ ఇద్దరు ఇద్దరేనని విమర్శించారు. ఇద్దరు అక్రమంగా కోట్లాది రూపాయలను సంపాదించుకున్నారని ఆరోపించారు. మలేషియాలోని బ్యాంకులలో వారి దొంగసొమ్ములను భద్రంగా దాచుకున్నారని అన్నారు. మలేషియాలో ఉన్న అక్రమ సంపాదనలో ఇరువురి వాటాల విషయం తేల్చలేకే కెవిపి రామచంద్రరావు కనుమరుగయ్యారని విమర్శించారు.

కాంగ్రెసు పార్టీ నుండి బయటకు వెళ్లి పార్టీపైన, తనపైన జగన్ తీవ్ర స్థాయిలో విమర్శలు చేస్తున్నా సోనియా గాంధీ చర్యలు తీసుకోవడం లేదన్నారు. చర్యలు తీసుకుంటే తమ ఇధ్దరి అవినీతి బయట పడుతుందనే సోనియా జగన్ పై చర్యలు తీసుకోవడం లేదని ఆరోపించారు.